سفارش تبلیغ
صبا ویژن
کسی کـه خویشتن را نشناسـد، از راه نجات دور افتـد و در گمراهی و نادانی ها درافتد . [امام علی علیه السلام]
لوگوی وبلاگ
 

دسته بندی موضوعی یادداشتها
 
شعر ، دنیز ، آذربایجان ، ارومیه ، علیار ، قلیزاده ، مصطفی ، غربی ، امام ، ترکی ، علی ، ترکی ، شاعر ، دنیزنیوز ، حوزه ، هنری ، حسین ، اسلامی ، حمیدی ، غزل ، محمد ، حاج ، ایران ، فارسی ، باکو ، قرآن ، کتاب ، نشریه ، اسلام ، تبریز ، طنز ، کتاب ، عاشیق ، شهریار ، اکبر ، انقلاب ، مصطفی قلیزاده علیار ، نخجوان ، شهید ، سایت ، سید ، باکو ، اهل بیت ، ابراهیم ، سفر ، دریاچه ، فخری ، ادبیات ، تصویر ، خمینی ، دفاع ، رضا ، پیغمبر ، جمعه ، اسرائیل ، مقدس ، نامه ، مهدی ، حوزه هنری ، حمید ، صادق ، فاطمه ، پیامبر ، بهرام ، اکبر ، اهر ، فاطمه زهرا ، نارداران ، مقاله ، عاشورا ، عکس ، زهرا ، ترکیه ، کربلا ، همایش ، واقف ، ترکیه ، بسیج ، بیت ، جمهوری ، اهل ، انتظار ، امام علی ، ادبی ، در ، عراق ، صابر ، شهر ، شامی ، خامنه ای ، خدا ، دوستی ، زن ، سعید ، اسدی ، آیت الله ، امام حسین ، هنرمندان ، ورزقان ، هفته ، مردم ، موسیقی ، نقد ، قم ، محمود ، کانون ، امام خمینی ، جنبش ، جشنواره ، خاطرات ، حافظ ، حجاب ، حسنی ، حسن ، تاریخ ، سال ، رستمی ، شیخ ، عکس ، فرهنگی ، فرهنگ ، فضولی ، عید ، عشق ، سیاسی ، رمضان ، زبان ، سلیمانپور ، شاعران ، سوریه ، ترجمه ، تهران ، به ، حاج علی اکرام ، ایرانی ، آمریکا ، وبلاگ ، واحدی ، نویسنده ، مدح ، محفل ، مجلس ، مجتبی ، میرزا ، مرثیه ، مصر ، آمریکا ، آراز ، احمد ، استاندار ، اکرام ، حیدر ، تبریزی ، پیامبر اسلام ، سلبی ناز ، روز ، زندگی ، زینب ، رضوانی ، دو ، داستان ، صراف ، عظیم ، علی یف ، علیزاده ، علمیه ، علمدار ، فتح الهی ، فرانسه ، فلسطین ، فیلم ، شاهرخ ، شجاع ، دو هفته نامه ، دیدار ، رسول ، رجبی ، زلزله ، پیام ، بهمن ، حزب ، جواد ، ادب ، اردوغان ، آذربایجان غربی ، آثار ، مطبوعات ، مشهد ، مهدی موعود ، محمداف ، کانون ، نویسندگان ، هفته نامه ، هنر ، وطن ، ولی ، یاد ، هادی ، نوروزی ، نماز ، قیام ، کرکوک ، محسن ، مثنوی ، ماه ، مایل ، ملی ، آذری ، آزادی ، ارشاد ، از ، اسماعیل زاده ، انگلیس ، اورمیه ، اکرام ، جاوید ، حدیث ، حسینی ، حضرت ، بهرامپور ، بعثت ، روزنامه ، رهبری ، سعدی ، رباعی ، رزم آرای ، دینی ، دانشگاه ، شب ، غدیر ، غفاری ، علامه ، عرب ، عرفان ، فارس ، فرزند ، صمداف ، صادقپور ، صدر ، طلعت ، طلاب ، خوی ، دوزال ، رهبر ، بزرگ ، بیداری ، تبلیغات ، حمایت ، حماسه ، حاجی زاده ، جعفری ، توهین ، امین ، انتخابات ، انجمن ، امام زمان ، الله ، استاد ، اخلاق ، آیت الله خامنه ای ، آران ، آغدام ، آقازاده ، منظومه ، مسلمان ، مراغه ای ، مسئولان ، موعود ، موسی ، ماهر ، محمدی ، هریس ، یادداشتهای ، وفات ، یحیی ، یک ، کردستان ، کربلا ، نوروز ، نمایندگان ، وحید ، مایل اوغلو ، گرمان ، مولانا ، میلاد ، نباتی ، مسجد ، مرگ ، مرسی ، مسئول ، معلم ، آغری ، آذربایجانی ، اسلامگرایان ، اسماعیل ، ارمنستان ، ارمنی ، ارزشها ، اشغال ، باکو 10 ،

آمار و اطلاعات

بازدید امروز :234
بازدید دیروز :64
کل بازدید :2866076
تعداد کل یاداشته ها : 881
102/12/29
10:1 ص
مشخصات مدیروبلاگ
 
قلیزاده علیار[263]

خبر مایه
پیوند دوستان
 
سرچشمه ادب و عرفان : وب ویژه تفسیر ادبی عرفانی قرآن مجید شقایقهای کالپوش بچه مرشد! سکوت ابدی هم نفس ►▌ استان قدس ▌ ◄ نغمه ی عاشقی جریان شناسی سیاسی - محمد علی لیالی سرچشمه همه فضـایـل مهــدی(ع) است ساده دل ماییم ونوای بینوایی.....بسم الله اگرحریف مایی ....افسون زمانه طراوت باران تنهایی......!!!!!! جـــیرفـــت زیـبا سارا احمدی بیصدا ترازسکوت... .: شهر عشق :. پیامنمای جامع شهر صبح ماتاآخرایستاده ایم سایت روستای چشام (Chesham.ir) وبلاگ گروهیِ تَیسیر منطقه آزاد محمدمبین احسانی نیا رازهای موفقیت زندگی مرام و معرفت یامهدی Dark Future امام خمینی(ره)وجوان امروز عشق ارواحنا فداک یا زینب سیاه مشق های میم.صاد مهاجر مردود دهکده کوچک ما گروه اینترنتی جرقه داتکو بسیج دانشجویی دانشکده علوم و فنون قرآن تهران هفته نامه جوانان خسروشهر آتیه سازان اهواز بیخیال همه حتی زندگیم عمو همه چی دان پـنـجـره صل الله علی الباکین علی الحسین تینا شهید آوینی Chamran University Accounting Association پدر خاک فقط خدا از یک انسان ع ش ق:علاقه شدید قلبی تبریک می گوییم شما به ساحل رسیدید!!!!! گاهنامه زیست جوک و خنده دهاتی دکتر علی حاجی ستوده قلب خـــــــــــــــــــــــــــاکی کشکول sindrela شیدائی تنها عاشقانه سیب آریایی نیروی هوایی دلتا ( آشنایی با جنگنده های روز دنیا ) به یاد تو آخوند مالخر و تمام طرفدارانش در سیستم حکومتی فروشگاه من قاضی مالخر یا قاضی طمع کار کدامیک ؟؟؟؟ پایگاه خبری،قرآنی، فرهنگی آذربایجان غربی عاشقانه زنگ تفریح

 

خاری بولبول

اکبر حمیدی علیار

«خاری بولبول» طبیعتده

"خاری بولبول" شوشانین میللی سیموولودور. دونیانین هئچ بیر یئرینده راست گلینمه‌ین خاری بولبول تانری­نین آذربایجانا گؤندردیگی ان بؤیوک معجزه­دیر. طبیعتین معجزه­سی­دیر. خاری بولبول سانکی گولون اوزرینه قونموش بولبولو خاطیرلادیر. بولبولون باغری­نین آلتینداکی گول آل-قیرمیزی رنگه بویانیب. بو چیچکلر اساساً آلپ چمنلیگینده اولور. آران یئرده تئز سولسا دا داغلاردا اوزون مدّت قالیر.

«خاری بولبول» تاریخ و ادبیاتدا

وطن باغی آل-الوان­دیر.

یوخ ایچینده "خاری بولبول" ،

عؤمور سورمه‌لی دؤوران­دیر،

سسین گلسین باری بولبول.

خاری بولبول حاقیندا بیر چوخ روایتلر موجوددور. بئله دئییرلر کی، قاراباغ خانی­ ابراهیم­خانین قیزی «آغابه­ییم آغا»نی تهراندا یاشایان، قجر شاهلاریندان اولان فتحعلی شاها وئریرلر. او واخت خانلیقلار آراسیندا علاقه­لر یاراتماق اوچون "نیکاح دیپلوماتییاسی" دئییلن قیز آل-وئریندن استفاده ائدیردیلر. آغابه­ییم آغا دا بئله بیر ازدواجین قوربانی اولموشدو. خان قیزی غوصه­لنمه‌سین دئیه، شاهزاده سارایین یاخینلیغیندا اونون اوچون بیر وطن باغی سالدیرمیش، قاراباغ تورپاغی­نین یئتیردیگی بوتون آغاجلاردان، گول-چیچکلردن گتیریب همین باغدا اکدیرمیشدی. آما نه قدر ائدیبلرسه ده "خاری بولبول" گولونو عمله گتیره بیلمه‌ییبلر. بو خلق ماهنیسی دا ائله او واختدان یارانیب، همین اووقاتا کؤکله‌نیب. چوخ گومان کی بو ماهنی دا «عزیزینم قاراباغ/ شکی، شیروان،قاراباغ/ قوربت جنت اولسا دا/ یاددان چیخماز قاراباغ» بایاتیسی­نین شاعری، آدینی یوخاریدا چکدیگیمیز آغابه­ییم آغادان دیر.[1]

"خاری بولبول" طبیعته وئردیگی گؤزللیگی ایله یاناشی معالیجه اهمیتلی بیتگی­دیر. "خاری بولبول"دن خلق طبابتینده مختلیف خسته‌لیکلرین معالیجه‌سینده ده گئنیش استیفاده ائدیلیر.

"خاری بولبول" خلقین یادداشیندا (افسانه­لرده)

روایته گؤره بیر گون بولبول اؤز سئوگیلیسی گولون گؤروشونه گئتمک ایسته‌دیگی واخت برک کولک اسیر. کوله­یین مقصدی گولو بولبولون گؤزلری قارشیسیندا آلچالتماق ایمیش.

کولک اؤز گوجونه، قوووه‌سینه حددیندن آرتیق اینانیرمیش. او اسنده، حرکته گلنده، عالمی توزاناغا بوروینده بوتون جانلیلار اونون قارشیسیندا اَییلرمیش. مقاویمت گؤسترمک ایسته‌ینلری نئچه یئره شاخبوداق ائله‌ییب یئرله-یکسان ائدرمیش.

بیر گون کولک وار قوووه‌سیله اسیرمیش. نهنگ چینارلار، اوجا سرولر، سالخیم سؤیودلر اونون قارشیسیندا دؤنه-دؤنه اَییلیردیلر. یالنیز ظریف، گؤزل، عطیرلی گول کوله­یین آزغینلیغینا، یئکه­خانالیغینا تابع اولموردو. بونو گؤرن کولک حئیرته گلدی:

_ آی ظریف، آی ضعیف گول، سن هانسی جسارتله منه باش اَیمیرسن؟ سن بو گوجو هاردان آلیرسان؟

گول ایناملا جاواب وئردی:

_ محبتدن! محبتین گوجو یئنیلمز اولور. سئوه­ن ووقارلی اولور، او هئچ کسه باش اَیمک ایسته­میر. من بولبولو سئویرم. اونون صاف محبتی منی باش اَیمه‌یه قویماز.

-باخاریق! سن محبتینی سینا، من ده گوجومو…

کولک بو سؤزلری دئییب کوکره‌دی. ائله بو واخت بولبول سئوگیلیسی گولون گؤروشونه گئدیردی. کوله­یین غضبی یئره، گؤیه سیغمیردی. ظریف اوتلاردان توتموش فیل گؤوده‌لی آغاجلارا قده­ر اونا باش اَییردی. آرتیق گول سون قوووه‌سینی توپلاییردی. اونون مقاویمتی توکنمه‌یه باشلاییردی. چونکی او، تک قالمیشدی. اگر بولبول یانیندا اولسایدی…

گول بیر یارپاق اَییلدی. کولک غلبه‌سیندن سئوینه‌رک داها برکدن اوغولدادی. بیر آز دا کئچه‌جک، کولک گولو اؤز گوجو ایله ایکی­قات ائده‌جکدی. بولبول اؤزونو واختیندا گولون هارایینا چاتدیریر. او، سینه‌سینی یاواش-یاواش اَییلن گولون کؤکسونه سؤیکه‌ییر. کولک داها دا حددتله‌نیر. بولبول گولون اَییلن قامتینی دوزلدیر. آنجاق گولون خاری (یعنی تیکانی) اونون سینه‌سینه سانجیلیر. بولبول محو اولور، گولو بیر آددیم بئله اَییلمه‌یه قویمور. ائله همین واختدان اؤزونو محبت اوغروندا فدا ائدن بولبولون آدی خاری بولبول قالیر. گول خاری بولبول گؤرکمینده گوللر آچیر. همین خاری بولبول گولو هئچ بیر قیزیل­گول کولونا و گولونه بنزه­میر.


 [1]  -آغاباجی تخلصو ایله آذربایجان تورکجه­سی و فارس دیللرینده شعرلر یازان آغابه­ییم آغا، قاراباغ خانی ابراهیم خلیل­خانین قیزی و خورشیدبانو ناتوانین بیبی­سی­دیر. تخمیناً 1781-1780-نجی ایللرده پناه­آباددا (ایندیکی شوشادا) آنادان اولموشدور. 1801-نجی ایلده ایران حکمداری فتحعلی شاها اره وئریلمیش و عمرونون سونونا کیمی وطن حسرتی، قوربت عذابی چکدیگی تهراندا یاشامیش، 1832-جی ایلده اورادا وفات ائتمیش و دارالایمان آدلاندیریلان قوم شهرینده دفن اولونموشدور.

 منبع: «دنیز» هفته نامه سی، نؤمره 59 - نشر تاریخی 29 آبان 1393 - اورمیه شهری

 


  

قاراباغدا قاراداغ ایزلری (گرمان)

اکبر حمیدی علیار

اشاره: بوندان اول وبلاگیمیزدا آغداملی - قاراباغلی شاعر «گرمان» ایله مختصر آشنا اولدوق ( گرمان دان ایکی شعر). ایندی ایسه حؤرمتلی شاعر دوستوموز اکبر حمیدی علیارین سون گونلرده گرمان حاقدا یازیسینی اؤز وبلاگیندا بورادا درج ائدیریک:

 

 نئجه کی بیلیرسینیز واختی ایلا قاراداغدان، خصوص ایله دیزمار ماحالیندان قاراباغا، خصوص ایله آغدام شهرینه چؤرک قازانماغا گئدیب گلنلر چوخ اولوب، بیزیم کندیمیز علیاردان دا اورایا گئدیب سرحدلرین باغلاماسی ایلا اورادا ساکنله­شنلرین سایی آز اولماییب، اؤنجه بیزیم قوهوملاردان اولان شاعیر "عاقیل زینال­اوف"لا اوخوجولاری تانیش ائتمیشدیم، ایندی­ایسه باشقا بیر علیارلی شاعیری تقدیم ائتمک ایسته­ییرم، تقدیم ائده­جه­ییم بو شاعیرین ننه-باباسی "آلماس­خان" و "سئیران" علیاردان آغدام شهرینه گئتمیش و اوردا قالماغا مجبور اولموشلار، شاعیر ایندیلیکده، ائرمنی­لرین تجاوزونه معروض قالیب باکی شهرینده یاشایان مجبوری کؤچگونلردن بیری ساییلیر، او گؤزل باکی­دا یاشاسادا کؤنلو-گؤزو جنت قاراباغدا قالیب­دیر و گئجه-گوندوزونو اورانین عشقی و حسرتی ایله باشا وورور. یاخین گونلرده عزیز دوستلاریم مصطفی قلیزاده علیار و مجتبی قربانی علیارلا بیرگه باکی سفریمیزده، ایلک اولاراق بو علیارلی شاعیرله گؤروشوموز اولدو، اونون ایندی­یه قده­ر 9 کتابی ایشیق اوزو گؤروب، شاعیر "غیب اولموش شهرین اویاق یادداشی" آدلی اوچ جیلدلیک کتابی­نین بیرینجی جیلدینده اؤزونو ماراقلی شکیلده تقدیم ائتمیشدیر، من ایسه همن تقدیماتی اولدوغو کیمی آشاغیدا گتیریرم، سوندا دا بیر شعر همن کتابدان قوللوغونوزا چاتدیراجام:

(آدی گئدن کتابین 7-نجی صحیفه­سی)

"مؤلف حاققیندا معلومات" :

« آدی : گئرمان؛

سوی آدی : حسین­اوف

آتاسی­نین آدی : علی؛

تولدو : 13/11/1962 ؛

دوغولدوغو یئر : آللاهین آغدام رایونو ؛

عنوانی : غیب اولموش شهرین عزیزبی­اوف کوچه­سینده­کی 57 نومره­لی ائو ؛

تحصیلی : عالی

اختصاصی : حیات صحنه­سی­نین رئجیسورو ؛

پئشه­سی : انسانلارا سئوگی پایلاماق؛

خوببیسی (باش­قاتماسی) : یاخشی انسانلاری بیر-بیری ایله دوستلاشدیرماق؛

بو ایشده قازانجی : قلب راحاتلیغی؛

حیاتدان قازانجی : اوچ اولاد، اوچ نوه ؛

مشغولیتی : شعر یازماق ؛

ا­ه­یله­نجه­سی : استول­اوستو اویونلار، سئوگی ماجرالاری؛

انسانلاردان اوماجاغی : عدالت، دوزلوک، اعتبار، قارشیلیقلی دقت؛

حیاتدان اوماجاغی : ساکت­لیک، امن-آمانلیق، ساغلاملیق؛

آللاهدان اوماجاغی : اذیت­سیز اؤلوم، بیرده امکان اولسا، جنتده بیر روحلوق یئر؛

اؤزوندن اوماجاغی : ... داها گئج­دیر!..

چاتیشمایان جهتی : سؤزو اوزه دئمک؛

اوستون جهتی : سؤزو اوزه دئمک؛

سئومه­دیگی شئی : یالان، خیانت، غیبت؛

اییره­ندیگی شئی : قان؛

نفرت ائتدیگی شئی : پول؛

هئچ کیمه باغیشلامادیغی شئی : تحقیر، سؤیوش؛

الهام منبعی : طبیعت، گؤزللر، اینتئللئکتوآل(فکری) و رئال صحبت­لر؛

سئودیگی موسیقی : موغاملار و خالق ماهنیلاری؛

سئودیگی رنگ : آغ و قارا؛

سئودیگی طبیعت حادثه­سی : نارین-نارین یاغان یاغیش؛

ایده­آلی : آللاهی و اؤزونو تانییان هر بیر کس؛

استناد ائده بیله­جه­یی ان کامل انسان : حضرت علی علیه­السلام؛

ان چوخ سئودیگی کلام : فضل­اله نعیمی : -نفسینی عقلینه تابع ائتدیرمه­یی باجاران انسان کامل انسان­دیر؛

ان بؤیوک ایسته­یی : آغداما قاییتماق!

آللاهدان دیله­یی : آغداما قاییتماق!

دوستلارا ان بؤیوک آرزوسو : آغداما قاییتماق!

اؤزونو آغداملی حساب ائدن و سندینه آغداملی یازیلان هر بیرکسه مصلحتی : آغداما قاییتماق!

نیگرانلیغی : بشریتین گله­جه­یی؛

انسانلارا آرزوسو : ساغلام حیات، خوشبخت گله­جک، محاربه­سیز دونیا!»

 

هارای، آی هارای

هارای آ چارمیخا چکیلن ائللر،

گؤزلری یوللارا دیکیلن ائللر،

قیوریلیب یای کیمی بوکولن ائللر،

یوردوندان توت کیمی تؤکولن ائللر،

قلبینه غم-کدر اکیلن ائللر،

تاریخی شوملانیب، سؤکولن ائللر،

کؤرپه­سی چادیردا یئکه­لن ائللر،

انتقام دمی­دیر هارای، آی هارای.

 

نییه نصیبیمیز آه-و زار اولدو،

یوردیئری اینله­ین کامان، تار اولدو،

گولوستان چمنی بوران، قار اولدو،

بولبول اسیر دوشدو، حاکم خار اولدو،

آزادلیغین یولو یامان دار اولدو،

وطنی قورویان بختیار اولدو،

شهیدلر ملته افتخار اولدو،

انتقام دمی­دیر هارای، آی هارای.

 

باشلانیر دره­دن، دوزدن بو وطن،

بویلانیر لپیردن، ایزدن بو وطن،

آی­اوزلو ملک­دیر اوزدن بو وطن،

محروم ائدیلیب­دیر گؤزدن بو وطن،

اوسانیب "تمکین"دن، "دؤز"دن بو وطن،

مرحمت گؤزله­ییر بیزدن بو وطن،

بس­دیر، جانا دویوب سؤزدن بو وطن،

انتقام دمی­دیر هارای، آی هارای.

منبع: وبلاگ اکبر حمیدی علیار 

 


  

آغداملی رحمان محمداف


 

 رحمان محمداف حسن اوغلو، 1962 – جی ایلده قاراباغین مرکزی «آغدام» شهرینده دونیایا گؤز آچمیش، گنج چاغلاریندان شعره، سؤزه و سازا یؤیوک هوس بسله ییب، اورک سؤزلرینی شعر قالیبینده یازیب، بیر عاشیق کیمی ساز چالیب، نغمه قوشوب اوخویوب، ایندی ده ساز و سؤز ایله یاشاییر. او قاراباغ اشغال اولوب و «آغدام» الدن گدن سونرا ( 23 اییول 1994 / مرداد آیی نین اولی 1373)، دوغما یوردونو ترک ائتمک مجبوریتینده قالیب. رحمان ایندی باکی­نین «لوک باتان» کندینده یاشاییر. بیر سیرا شعرلر و قوشمالاری بعضی قزتلرده چاپ اولوبدور. او اؤز دوغما یوردو آغدام حسرتینده چوخلو شعرلر یازیبدی، بورادا بیر نمونه اونون وطن حسرتلی قوشماسینی بیرگه اوخویوروق:

 محتشم آغدام

شفق­لر سؤکولوب آغاراندا دان

طبیعت دوراندا شیرین یوخودان

حسرتله باخاریق سنه هر زمان

دوشمن تاپداغیندا اینله ین اوبام

دوغما بئشیگیمیز محتشم آغدام.

 

 

کوسکونلوک دویولور لال باخیشیندان

قان سوزورلور بو گون تورپاق – داشیندان

سنین چون اوغوللار کئچدی باشیندان

دوشمن تاپداغیندا اینله ین اوبام

دوغما بئشیگیمیز محتشم آغدام.

 

 

خزان یئلی اسدی باغچا – باغیندان

بولبوللر آییلدی گول بوداغیندان

خبر وئرن یوخدور خوش سراغیندان

دوشمن تاپداغیندا اینله ین اوبام

دوغما بئشیگیمیز محتشم آغدام.

 

 

بو ملت آییلمیر نیه یوخودان

یوردوم پارچالانیب ائدیلیر تالان

هاردا ایتیب، باتدی کیشیلیک- وجدان؟

دوشمن تاپداغیندا اینله ین اوبام

دوغما بئشیگیمیز محتشم آغدام.

 

 

من کیشی یم دئییر یوردونو ساتان!

یئییب ناموس - عاری، دالینا آتان.

گؤر کیملردی یوردون دادینا چاتان

دوشمن تاپداغیندا اینله ین اوبام

دوغما بئشیگیمیز محتشم آغدام.

 

منبع: سایت دنیزنیوز  www.daniznews.ir


  
  
 

  گرماندان ایکی شعر:


 

 

 

 

 

 

علی­ اوغلو «اکبر حسین­ اوف» (گرمان) 1962 – جی ایلده آذربایجانین «آغ­دام» شهرینده ایرانلی مهاجر عایله­ سینده آنادان اولموش، 1994- جو ایلدن قاراباغ

منطقه­ سی و اونون مرکزی اولان آغ­دام شهری ارمنی اشغالینا دوشدوکدن سونرا، گرمان دا اؤز دوغما دیاریندان دیدرگین دوشوب، ایندی ایسه باکی­دا یاشاییر. وطن حسرتی و آغدام نیسگیلی بیر یارا کیمی شاعر گرمانین اوره گینی سانجیر و بوتون شعرلینده  اؤزونو گؤستریر. بورادا گرماندان ایکی شعری اوخویوروق:

 

 

 

قاراباغی قویوب گلدیک

جانیمیزی خلاص ائدیب، قاراباغی قویوب گلدیک

قاجارلارا سینه گره­ ن بیر تورپاغی قویوب گلدیک

آتیلاراق دؤیوشلره، مغرور دوردوق، اییلمه­ دیک

بیر قیچیمیز یانیمیزدا، بیر آیاغی قویوب گلدیک

اوجاق چاتدیق چلدیرلاردا، قیزینمادیق ایستی­سینه

کور اولموشوق توستوسونه، چیلچیراغی قویوب گلدیک

زامان بیزی هئی یوکله­ دی محنت ایله، غربت ایله

وئره­ جکلر ناموس بورجو، آلاجاغی قویوب گلدیک

تپه­ لره داغ دئییریک، بئش آغاجا باغ دئییریک

مئشه­لری، چمنلری، مورووداغی قویوب گلدیک

ذلت اولوب قسمتیمیز، هئچ عینیمیز آچیلماییر

توی-بوساطلی بیر دؤورانی، خوش نؤوراغی قویوب گلدیک

سوفره­ میزده بایات چؤرک، بیر پارچا شور، گؤؤ-گؤیرتی

یایلاقلاردا بئچه بالی، نئهره یاغی قویوب گلدیک

«گرمان»، هئچ کیم اؤیونمه­ سین دبدبه­ لی گئییمیم وار

قاچ­ هاقاچدا، کؤچ­ هاکؤچده بیز پاپاغی قویوب گلدیک.


 


آغدام آنامیزدیر

هئچ قووا بیلمیرم کؤنلومدن غمی

کامان تک اینله­ ییر کؤنلومون سیمی

خیال پرواز ائدیب اوچور قوش کیمی

بیر گئدیم آغداما ده­ ییم قاییدیم.

 


یوخوم پئریک دوشور عرشه چکیلیر

گؤزومدن لئیسانلار آخیب تؤکولور

ساچلاریم آغاریر، بئلیم بوکولور

بیر گئدیم آغداما ده­ ییم قاییدیم.

 


آغدامدا قویموشام گؤر نه ­لریمی،

سؤزومو، شعریمی، نغمه­ لریمی

اؤزومله گؤتوروب نوه­ لریمی،

بیر گئدیم آغداما ده ­ییم قاییدیم.

 


اورک تاب ائله­ میر داها محنته

یقین گله­ جه­ یم بیرگون جرأته

نییه دؤزمه­لی­یم آخی حسرته،

بیر گئدیم آغداما ده­ ییم قاییدیم.

 


بس نییه قاییدیم، قالیم اوردا من

وصال شرقی­سینی چالیم اوردا من

ابدی بیر مسکن سالیم اوردا من

آخی آغداملی­ یام، آنام­دیر آغدام.

 


من نئجه اوغولام، اسیردیر آنا

وارلیغیم تهمت­دیر آذربایجانا

گئدیم دوشمن اوسته، قصد ائدیم جانا

آخی آغداملی ­یام، آنام­دیر آغدام.

 


«گرمان»، دؤزمه داها غمه، کدره

آغدام تشنه قالیب بوگون هنره

باش قویوم دیزی­نین اوسته سون کره

آخی آغداملی­ یام آنام­دیر آغدام.

 

منبع: سایت دنیزنیوز  www.daniznews.ir

 


92/4/22::: 1:22 ص
نظر()
  

 

نظیره

 

جناب مصطفی قلی زاده علیار«مهاجر» ین، «ای کؤنول عشق آتشینده یانسان افغان ائیلمه»

مطـلع لی غزلینه نظیره:

ای «مهاجر» بیزلری زار و پریشان ائیلمه

بو پریشانلیق کئچر البته، افغان ائیلمه

سن «ختائی» دن آلیبسان او غزل پیغامینی

گل شاه اسماعیل کلامین سرّ جانان ائیلمه

من ده سندن آلمیشام قارداش غزل الهامیمی

یازدیغیم اشعاری بیر گؤر، نغمه – دستان ائیلمه

گل محبت باغلاریندا سیر ائدک بولبول سایاق

گوللرین نازین چکنده عطرین افشان ائیلمه

عشق دریاسیندا سنسیز ائتمه رم توفان یقین

سن ده منسیز دریادا عشق ایله توفان ائیلمه

هر غزل شهرینده وار چوخ قاره قاش – گؤز حوریلر

هر قاشی بیر مصرع گؤرسن، بیتی کتمان ائیلمه

ماوی گؤیلردن بیزه نازل اولور عشق آیه سی

سن او پاک الهامی آل سینه نده پنهان ائیلمه

هر اوره ک کی چیرپینیر، عشق ایله جاناندان دئییر

عاشقه معشوقی گؤستر کؤنلونو قان ائیلمه

هر قدم آتدیقجا یئردن قووزانار عاشق سسی

بو وطن عشقین، مجازی عشقه عنوان ائیلمه

کاش کی آزادلیق قوشو قونسون قاراباغ مولکونه

قانلی تورپاق داد ائدیر کی: صلحی پیمان ائیلمه

اجنبی نین اللرین کس اؤلکه میزدن، آللاهیم

ارمنی نین قالماغین بو یئرده امکان ائیلمه

«درویش» ایله دور گئدک بیز ده دؤیوش میدانینا

آذری لر اوردوسوندا شعری پایان ایلمه.

                             علی رحمانی «درویش»

                              ارومیه – 26/10/89